Castaños, piornos, xestas, silveiros,
toxos, carballos, nogueiras e fentos,
a no chan arumes baixo os piñeiros
deitados na carriza que e o seu leito.
Frores marelas, brancas e vermellas,
azul como os ceos e doutros coores.
Chuchando nas corolas as abellas,
no río rechouchiando os reiseñores.
As campaíñas roxas e margaridas
espalladas no chan, a gran furesta,
frescor de orballo na amanescida,
os espadaneiros ergueita a testa
as avelaíñas zigzagueando
cos xílgaros voando cara ós niños
e os años a as avenzas pasturando
e nos valados os caraveliños.
No hay comentarios:
Publicar un comentario